Vestmannaeyjaferðin 2009

                Bifreiðaklúbbur Suðurlands  

           

BÍLA OG MÓTORHJÓLASÝNING Á SJÓMANNADAGINN Í VESTMANNAEYJUM

 

                       Dagskrá fyrir helgina 4. til 7. Júní í Vestmannaeyjum á sjómannadaginn.

Fimmtudaginn 4. Juní :  Þau ykkar sem vilja taka helgina snemma, bendum við á seinni ferð Herjólfs kl.19.30 frá Þorlákshöfn.      

Föstudaginn 5. Júní :  Fyrri ferð Herjólfs er kl 12.00 , komin til Eyja 14.45  Seinni ferð er kl. 19.30 og komin kl 22.15, og þeir sem eru komnir til Eyja, mæta að sjálfsögðu á bryggjuna og taka á móti þeim sem koma í þessum ferðum. Kl 20.00, ætlum við að hittast í Herjólfsdal með Drullusokkunum og fara þaðan rúnt um bæinn . Fyrir þá sem ekki komast á föstudeginum er ferð frá Þorlákshöfn kl.12.00 á laugardeginum eins og á föstudeginum.

Laugardaginn 6. Juní :  Mætum  í  Herjólfsdal kl.10.30 og  höldum niður að höfn þar sem við stillum bílunum upp þar sem þeir verða til sýnis frá kl. 11.30 til kl. 16.00 .Frá kl. 16.00 til 17.00, er ráðgert að fari fram reykspól, fyrir þá sem vilja taka þátt í því.            

 Kl 20.00 er mæting í Höllinni þar sem allir borða saman og taka þátt í hinu fræga sjómannadagsballi á eftir.(Matur og ball 7500kr á mann)

Sunnudaginn 7. Juní : Opinn dagur fyrir alla til að taka þátt í Sjómannadags hátíðarhöldunum, þar sem þau eru aulýst. Fyrsta ferð Herjólfs er kl.16.00 og seinni ferðin er kl.23.00                      .

Þeir sem vilja fá 50% afslátt af  Herjólfsferðinni, geta skráð sig inn á  [e-mail] með nafni og kennitölu, eða hringt í síma 849 5447. ( Verð 1210 kr á mann og 1210 kr á bill með afslætti aðra leiðina )

Gisting á Gistiheimilinu Heimi með uppábúnu rúmi er 3,500 kr nóttin . Ella tekur við bókunum í sima 8466500.

Minnum einnig á að gott tjaldstæði er í Herjólfsdal.                                    

Þeir sem hafa áhuga á að fara til Eyja verða að skrá sig  sem fyrst á netfang  bks@ visir.is  

Fyrir hönd skemtinefnder BKS  Jóhannes Sigurðsson.   Simi 849-5447  Email.bks@ visir.is

Félagsfundur 8. maí

Mæting stjórnarmanna klukkan 19,00 og síðan hefst almennur félagsfundur klukkan 20,00. Ég hvet alla til að mæta á þennan fyrsta fund sumarsins og  að sem flestir komi á köggunum því að spáin er góð.  

Skoðunardagurinn ....

... hjá Frumherja í RVK er á morgun,

laugardag 2. maí og er brottför frá

Sótastöðum, Gagnheiði 71 á  Selfossi kl. 8.30.  

Minni á .....

.... að nú um mánaðamótin er eindagi félagsgjaldanna. Allir sem greitt hafa eigi síðar en 30. april njóta áfram kjara hjá Skeljungi og fá sent viðburðadagatal ásamt límmiða sem staðfestir aðild að klúbbnum árið 2009. Límmiða þennan ber mönnum að líma á félagsskírteinið sem er eins og allir muna í boði Skeljungs. (Ég hef heyrt að Fornbílaklúbburinn hermi þetta eftir okkur með límmiðana en stjórnin hefur ákveðið að aðhafast ekki í málinu)

Einnig vil ég minna á að félagsfundur maímánaðar verður haldinn föstudagskvöldið 8. maí á Sótastöðum. Á þann fund er nánast skyldumæting þar sem þetta er fundur stórra ákvarðana fyrir sumarið.

Skrifarinn. 

Viðburðadagatal ....

.... fyrir sumarið og haustið er tilbúið frá ferða og skemmtinefnd. Hér neðar á síðunni er reitur sem heitir tenglar og þar fyrir neðan klikkið þið á viðburðadagatal.  Þá ætti eftir skamma stund að birtast dagatal sem inniheldur alla viðburði sem við ætlum að koma að í sumar ,, með einum eða öðrum hætti" eins og Packardmaðurinn orðar það gjarnan. 

Skrifarinn 

    

Heimsókn úr borginni stóru

Takk fyrir komuna félagar úr Fornbílaklúbbi Íslands. Takk fyrir komuna félagar úr Bifreiðaklúbbi Suðurlands. Takk fyrir frábæra skemmtun Sverrir Andrésson. Þetta var mikið kvöld þar sem yfir 100 manns mættu og horfðu saman á nýju myndina um bílaeign og feril Sverris bílasala. 

Jóhannes ferðafrömuður okkar sunnanmanna kynnti fyrirætlan sína, að fornbílamenn komi saman í Vestmannaeyjum sjómannadagshelgina. Stór áform og gaman verður að sjá hvort áhugi verður að fjölmenna til Eyja.

Við birtum meira um helstu dagskrárliði sumarsins þegar hin stórhuga ferðanefnd skilar áætlun sinni í hús.

Næsti félagsfundur verður haldinn föstudaginn 3. apríl klukkan 20.30.

Skrifarinn     

Fastir félagsfundir

Ákveðið hefur verið að fastir félagsfundir verði eftirleiðis fyrsta föstudag í hverjum mánuði klukkan 20.30. Sjórnarfundir verða sama kvöld en byrja klukkutíma áður eða klukkan 19.30. Fundirnir verða haldnir á Sótastöðum nema annað verði tekið fram sérstaklega.

Skrifarinn.

Móttaka í Gónhól á Eyrabakka

Miðvikudagskvöldið 11. mars tökum vér á móti bræðrum vorum úr borginni stóru, hvar þeir herrar og frúr sem þannig líst á, munu hópast um borð í rútu, eina eða tvær og skunda austur fyrir fjall til þess aðallega, fyrir utan að sýna sig og sjá aðra, að berja augum kvikmynd þá er Gunnsi Geira og Sverrir Andrésar hafa verið að festa á filmu á undanförnum ekki ófáum misserum. Er það einlæg von stjórnar Bifreiðaklúbbs Suðurlands að sem flesti gildir limir áðurnefnds félagsskapar láti sjá sig í Gónhól á Eyrabakka kl 21.00 að staðartíma, áðurnefnt kvöld til þátttöku í þessari fyrirfram áveðið, skemmtilegu kvöldvöku.

Skrifarinn.    

Ég er búinn að setja inn nokkrar myndir...

... af aðalfundinum sem hann Goggi vinur okkar að sunnan tók og var svo vinsamlegur að senda okkur yfir heiðina hálu og háu.

Skrifarinn

Aðalfundur 2009

Aðalfundurinn árið 2009 var haldinn í Gónhól á Eyrabakka föstudagskvöldið 13. febrúar. Árni Valdimarsson var fundarstjóri og stýrði fundinum eins og hann væri að stýra Bjúkkanum á sólríkum sumardegi, svo létt leysti hann það verkefni. Anna formaður las upp annál síðasta árs með skemmtilegheitum og skörungsskap að hætti hússins. Vignir ritari gerði grein fyrir ársreikningum félagsins í fjarveru Erlings gjaldkera en honum varð mál að fara á þorrablót. Stjórnin var kosin einróma til áframhaldandi setu og þökkum við auðmjúk það traust sem okkur er sýnt í hvívetna. Ferðanefnd var var ákveðin með sjálfsframboðum og buðu sig fram til starfans þeir Jóhannes á Hvíta Hestinum, Egill á hinum Hvíta Hestinum og Júlíus á Langa Blakki. Kosið var um eina tillögu að lagabreytingu sem hljóðaði upp á takmörkun á lengd til stjórnarsetu. Var sú tillaga felld einróma eftir gagnlegar og skýrmæltar umræður.

Í stórum dráttum fór þetta svona fram.

Skrifarinn.