Kemur þú á kagganum í kvöld?

Þið munið að rútan fer frá Sótastöðum kl. 17.30

Aðalfundurinn hefst kl. 18.00.

Fundarstjóri Árni Valdimarsson

Gleðistund eftir fund.....mætið með ykkar***

Stjórnin.

 

Bifreiðaklúbbur Suðurlands á Fésbókinni

Elskulegu félagar...

Ég vil taka undir með okkar háttvirta skrifara að þið drífið ukkur á aðalfundinn og auðvitað helst á blótið líka.

Þarna verða kosningar og þið hafið tækifæri á að komast í stjórn þessa ágæta félags, starfa í ýmsum nefndum og ráðum og fleira skemmtilegt.

Allar nýjar tillögur vel þegnar og gjafir ásamt peningaáheitum þó sérstaklega enda stefnir klúbburinn að því að stofna sérstakan lífeyrissjóð fyrir okkur bifreiðaáhugafólk þar sem eftirlaun yrðu ekki sett í vogunarsjóði heldur aðeins fjárfest í eðaldrossíum.

Við eigum nú marga vini á fésbókinni og vonum að þið gangið í hópinn og setjið inn bílamyndir og fleira fallegt

með bifreiðakveðju

formanden

Skráningu lokið

Skráningu á þorrablótið er lokið og skráðu sig fjörtíu manns í þessa stórkostlegu veislu sem framundan er eftir vonandi vel heppnaðan aðalfund. Efir sem áður hvet ég menn og konur til að koma á aðalfundinn þó að ekki sé áhugi fyrir þorrablótinu. Ég hef séns hjá Ole Olesen að láta vita af fjöldanum sem ætlar að borða til 6. feb. þannig að ef einhvern langar en getur ekki ákveðið sig strax þá er séns að smygla inn þangað til. Athugið að það er verið að skipuleggja skemmtiatriði og Jói sá sem sagður er meira töff en aðrir menn sem troða íslenska grundu dags daglega, ætlar að sjá um að spila dansmúsik fram eftir kvöldi fyrir þá sem taka tjútt og djæfskóna með sér. Ég finn strax fiðringinn. En þú?

Venlig hilsen

Skriveren 

Síðasti skráningardagur

á þorrablótið er á morgun, sunnudaginn 31. janúar.

Ég vil hvetja alla félagsmenn til að mæta á aðalfundinn sem verður haldinn milli klukkan 18 og 19.  Makarnir okkar sem ekki nenna að sitja fundinn geta fengið sér fordrykk á barnum á Rauða Húsinu svo dæmi sé tekið um þá afþreyingu sem boðið er uppá á Bakkanum góða á þessum tíma dags.  Alltaf einn ííííííííískaldur á bakkanum. 

Væri þetta ekki gott slagorð fyrir Bakkann

Eyrarbakki

Alltaf einn ííííííííískaldur á bakkanum. 

Bara flott.  En þetta var nú útúrdúr.  Skemmtilegt orð ...... útúrdúr .....

Að loknum aðalfundi fáum við gómsætan þorramat með öllu tilheyrandi frá Ola Olesen.  Og munið að verðið fyrir félagsmenn og maka er aðeins 2000 kr. og 4000 kr. fyirr gesti.

kv. Skrifarinn

 

 

Smá misskilningur

Afsakið félagar en ég misskildi Hannes hjá Skeljungi eitthvað og setti inn rangar afsláttartölur. Þær eru réttar núna hér í textanum fyrir neðan.

Skeljungur

Ég vil hvetja meðlimi BKS til að nota viðskiptakortið sem flest allir meðlimir eiga að hafa fengið. Afslátturinn sem við fáum er nú sá sami og meðlimir Fornbílaklúbbs Íslands fá enda annað ekki réttlætanlegt þar sem nokkuð margir eru í báðum klúbbunum. Afsláttarkortið er hægt að tengja bæði við debet og kreditkort og er nýtt að afslátturinn er sá sami í báðum tilfellum. Eftirfarandi texti er úr blaðinu sem Hannes hjá Skeljungi sendi mér. Ef við verslum hjá Orkunni hérna á Selfossi (stöðin fyrir framan IB) fáum við 5 kr afslátt. 

Þessi sérstöku vildarkjör gilda hjá Shell og Orkunni um land allt, auk valinna samstarfsaðila Skeljungs.  

Enn ódýrara eldsneyti

Staðgreiðslukortið er tengt við annað hvort debetkort eða kreditkort og eru úttektir gjaldfærðar beint af debetkortinu, en  mánaðarlega á kreditkortið (Visa eða Mastercard).  

          Kreditkort/Debetkort:   7 kr. afsláttur hjá Shell

•  

                        5 kr. afsláttur hjá Orkunni 
  

Afsláttur á völdum þjónustustöðum

Samstarfsfyrirtæki Skeljungs veitir korthafa 15-20% afslátt gegn framvísun kortsins,sjá á  heimasíðu Skeljungs.

www.skeljungur.is 

Ódýrt, fljótlegt og þægilegt

Annar góður kostur við Staðgreiðslukortið er, að það hefur sömu eiginleika og hefðbundinn dælulykill og þarf því aðeins að bera það upp að nema dælunnar, áður en dælt er á tankinn. Að auki má greiða með því fyrir alla vöru og þjónustu hjá Shell og í Select. Þá veitir þetta frábæra fríðindakort einnig aðgang að þjónustuvef Skeljungs, þar sem þú getur fylgst með öllum úttektum og virkjað þá þjónustu sem býðst með kortinu.

 

Þorrablótið

Ákveðið var á stjórnarfundi sunnudaginn 24. janúar að klúbbmeðlimum sé frjálst að taka með sér gesti á þorrablótið. Klúbburinn mun ekki greiða niður miðaverð gesta og er fullt miðaverð kr. 4000.

Aðalfundur BKS 2010

Aðalfundur Bifreiðaklúbbs Suðurlands verður haldinn í Gónhól á Eyrarbakka föstudaginn 12 febrúar 2010 kl. 18.00. 

  Eins og rætt var í fyrra er í undirbúningi að halda þorrablót á vegum klúbbsins strax að loknum fundi eða kl. 19.00.  Í boði verða veitingar frá hinum óskeikula veislumeistara Ole Olesen.  Klúbburinn mun niðugreiða veisluföngin fyrir bæði meðlimi og maka þannig að miðinn verður eingöngu á kr. 2000.            Sætaferðir verða frá Sótastöðum stundvíslega kl.17.30 í boði Selfossrútunnar. 

Er það von stjórnar að þannig sjái sem flestir sér fært að mæta og að við eigum skemmtilegt kvöld saman. 

Vignir tekur við skráningu í síma 894-2380. Síðasti skráningardagur er 31. janúar.      

Dagskrá aðalfundar verður augýst síðar

Stjórnin.

Haustrútuferð

Sælt veri fólkið

Það stóð til að fara í rútuferð þann 19. þ.m. í uppsveitir Árnessýslu og sýsla þar eitthvað fram eftir degi. Tók stjórnin að sér skipulag ferðarinnar með Emil póst og fleiri góða menn sér til fulltingis. Það er skemmst frá því að segja að skipulag ferðarinnar gekk ekki upp þrátt fyrir góðan vilja aðstandenda. Var fjársýslu hreppamanna aðallega um að kenna, eða þakka, allt eftir hvernig á það er litið. Ég spyr nú bara eins og spávís rolla, hvernig áttum við borgarbörnin að átta okkur á öllum þessum réttadögum, smaladögum, uppskeruhátíðum og þess háttar prjáli? Það var ekki einu sinni hægt með góðu að fá eitthvað að éta þarna uppfrá nema kál, beint frá bónda og sveppi, beint á ská. Ég verð að segja fyrir mig að ég treysti mér ekki til að vera á fljótandi fæði allan daginn, kominn á þennan aldur og telst ég þó, nokkuð ern. 

Ákveðið hefur verið að fara rútuferð til Reykjavíkur sunnudaginn 27. sept. og heimsækja fornbílamenn í borginni stóru. Þeir eru með opið á Esjumel og ætla að slá í pönnsur, spyrna á fornbílum og sitthvað fleira. Við endum svo daginn á Gónhól, þar sem við grillum, sjóðum, kælum, etum og drekkum. Með því að gera þetta smá grand sláum við saman september og október hátíðunum í eina góða veislu. Við auglýsum nánari tímasetningar síðar. 

F.h. stjórnar BKS

Skrifarinn             

Aldamótahátíðin á Eyrarbakka

Fornbílamenn og konur eru sérstakir heiðursgestir á Aldamótahátíðinni á Eyrarbakka um helgina. Endilega fyllið skottin af dóti og seljið á skottmarkaði en Fornbílasýningin verður á planinu milli Vesturbúðar og Gónhóls.
Það verður frí kjötsúpa og engjakaffi, 5 krónu afsláttur á bensínlítranum og fleira skemmtilegt á Bakkanum um helgina.

Dagskrá helgarinnarí heild sinni er aðgengileg gonholl.is og eyrarbakki.is