Haustferð BKS 15 október nk.

Bílafélagar, árleg haustferð BKS (rútuferð) verður laugardaginn 15 október nk.  

Farið verður frá Fossnesti kl. 12:00 á Skógar, safnið skoðað með leiðsögn.

Á heimleiðinni verður komið við á Moldnúpi og þar verður borðað um kl. 18:00

Áætlaður komutími á Selfoss kl. 21:00

Kostnaður félagsmanna og maka, rúta+safnið+matur. kr: 4.000,- á mann.   

Utanfélagsmenn   (gestir),            rúta+safnið+matur. kr: 6.000.- á mann.

Endilega hafið með ykkur smá nesti og góða skapið.

Hægt að kaupa kaffi og samloku á safninu, ekki innifalið.

Skráning stendur yfir til og með 10 október nk. hjá ritara á netfangið [e-mail]

Hægt er að leggja inn á reikning 325-26-4429  kt. 051062-4429 og senda kvittun.

Nú þegar hafa 20 manns skráð sig.    Gsm sími eftir kl. 18:00 6945025  Anna St.

Sjáumst hress og kát.  kv. ritari

Haustferð 15 október.

Takið daginn frá 15. október n.k.   þá verður hin árlega rútuferð BKS  (með smá fyrirvara).

Farið verður af stað ca kl. 13:00  áleiðis á Skógar með viðkomu í Landeyjarhöfn.

Síðan verður borðaður kvöldmatur á góðum stað.

Nánar auglýst síðar.

Kveðja Anna ritari.

Rúntur á Esjumela.

Bílafélagar.

18. september verður rúntur til Rvík nánar tiltekið á Esjumela. Þar er hinn árlegi varahlutadagur Fornbílaklúbbs Íslands.  Kaffi og vöfflur í boði varahlutanefndar.

Mæting við Arnberg kl. 12:45  lagt verður af stað kl. 13:00

Mætum sem flest og skemmtum okkur saman.

Kveðja ritari

Montrúntur í kvöld.

Kæru bílafélagar montrúntur í kvöld 4 ágúst, mæting á Sótastaði kl. 20:00
vonandi verður gott veður. Ritari er á Akureyri í fríi en Anna formaður mætir hress og kát eins og alltaf.

Kveðja að norðan Anna ritari.

Landsmót Fornbílaklúbbs Íslands og Delludagur.

Kæru félagar og bílaáhugafólk.

Landsmót Fornbílaklúbbs Íslands er nú um helgina á Selfossi.  Mæting við Set á föstudagskvöldið kl. 20:00 og tekið á móti félögunum úr Rvík, hópakstur í lögreglufylgd kl. 20:30 ekið um Selfoss og endað á mótssvæðinu.

 Heiðursfélaginn okkar hann Sverrir Andrésson setur mótið kl. 21:15

Á laugardeginum er bílasýning frá kl. 13:00-18:00  mætum með bílana á milli 11:00 - 12:45

Á sunnudaginn er dagskráin á vegum BKS og verður haldinn við Hrísmýri  (Hvíta húsið og N1)

Byrjar kl. 13:00 með kassabílakeppni,  sjá auglýsingu í Dagskránni í dag fimmtudag.

Mætum tímanlega og hjálpum til við að gera helgina sem besta og þá sérstaklega á sunnudeginum.

Skemmtum okkur saman um helgina.

Kveðja ritari Anna St.

 

17 júní hátíð.

Það er kominn 17 júní tra la la .....

Halló gott fólk.

Rúntur á 17 júní á eðal drossíum, mæting á Sótastaði  kl. 13:00.

Rúntum um bæinn í ca 30 mín, síðan stillum við upp bílunum í Bæjargarðinum.

Þar á að vera sýning á bílunum frá kl. 14:00 til 16:00

Fjölmennum og sýnum flottu bílana okkar.

Þjóðhátíðar kveðja ritari.

Sjómannadagshelgi, Hafnardagar og 60 ára afmæli Þorkákshafnar

Um sjómannahelgina verða Hafnardagar í Þorlákshöfn og af því tilefni eru fornbílar sérstaklega velkomnir.

Hópakstur um Þorlákshöfn kl.20:00 á föstudagskvöldinu 3 júní.

Á laugardeginum er mikið um að vera t. d. bílasýning við bakaríið, en þar verður boðið upp á kaffi og kökur.

Sjá nánar á hafnardagar.is og fornbill.is

Frjáls mæting.

kv. ritari

Montrúntur.

Halló allir. 

Montrúntur á drossíum til Ingjaldar í Ferjunesi í Flóa fimmtudagskvöldið 26 maí nk. upp úr kl.20:00

Mæting á Sótastaði kl. 20:00.  Höfum gaman saman.  Kveðja ritari. 

ps. tekinn verður smá krókur á leið út úr Selfoss smá, leyndó.

Skoðunardagur fornbíla í Reykjavík

Skoðunardagurinn er á morgun 14 maí í Reykjavík.   

Mæting á Sótastaði rétt fyrir átta um morguninn, lagt af stað til  Rvík  um átta.  

Þar verða drossíurnar skoðaðar, við sýnum okkur og sjáum aðra.   Nærum okkur á pyslu og kók og höfum gaman.

Þeir sem það vilja keyra þrengslin heim og fá sér kaffi í Gónhól.  

Síðan þegar á Selfoss er komið er stefnan sett á Tryggvaskála og bílunum jafnvel stillt upp.

Mætum sem flest.

Kveðja ritari.

1. maí hátíðarhöld stéttarfélaganna.

BKS tekur að sjálfsögðu þátt og er mæting kl. 11 að Austurvegi 56.  Þar verður bílunum stillt upp til sýnis, bak við húsið.  Tökum þátt í hátíðarhöldunum og fáum okkur kaffi og með´í.  

Síðan verður tekinn rúntur á drossíunum eftir það.  Spurning hvort frú formaður bjóði okkur á Gónhól á myndlistarsýningu ?     

Takið eftir að rúnturin er eftir hátíðarhöldin ekki á undan, lögreglan var á móti því að keyra á eftir skrúðgöngunni.

Til hamingju með daginn.     Mætum sem flest.   Kveðja ritari